Cadaaladii Somaliland waa la gawracay kadibna
waa la aasay oo iilka la dhigay( allah yarxamu).
Kadib markii la soo gebogebeeyey dhegeysigii kiiskii Raashinkii la
lunsadey oo maalin kasta ay dhegeysiga maxakamada ka qayb
qaadanayeen 100 ilaa 150 qof oo ka kala socdey Salaadiin,cugaal,
abwaano,culimo,aqoonyahan,lawyero madaxbanaan,iyo dadweyne
isugu jira rag iyo dumarba ayaa waxaa cadaatay in masuuliyiinta
xaqdarada ku xidhan in aysan wax shaqo ah ku lahayn raashinkaas
la lunsaday oo ay dulmi iyo xaq daro ku xidhan yihiin masuuliyiintaasi
oo kala ah.1.Badhasaabkii G.Maroodi jeex(Mujaahid Xamarji)2.Ag.
ee dib-u-jinta(Ahmed Cilmi)3.Lataliyihii Madaxweyne ku xigeenka
(cismaan Siciid).
Waxaa dhacay hadaba:-
Taariikhdu markay ahayd 30/05/2012,waxaa shir degdega isugu yimid
Madaxtooyada,shirkaasi waxaa gudoominayey Marwada Madaxweynaha
Amina weris madaxda ka qayb qaadatay waxay kala ahaayeen:-
1. Marwada Madaxweynaha Amina Weris.
2. Madaxweyne-ku-xigeenka Saylici
3. Wasiirka Madaxtooyada Xirsi
4. Wasiirka Arrimaha Gudaha Duur
5. Taliyaha hogaanka Booliska Fooxle
6. Gudoomiyaha Maxkamada Gobolka Maroodi jeex ( Duraan).
shirkaasi oo ku saabsanaa kiiska raashinka ayaa Gudoomiyaha
Maxkamada Mr Duraan meeshii shirkaasi ka sheegay in aan
Saraakiishaasi xidhan wax denbi ah loo hayn,intaasi kadib
dood dheer oo la falanqeeyey waxaa lagu amray Gudoomiyaha
Maxkamada in uu saraakiishaasi xidhan uu si degdega u xukumo
iyadoo farta laga saaray warqad qoraala oo xadiga sanadaha
la xidhayo ku qoran yihiin,Gudoomiye Duraan isagoo farxsan ayuu
amarkii qaatay waana kaa maanta fuliyey.taariikhda.03.06.2012.
Maxaa logu sababeeyey go’aaminta xukunkan
baadilka ah:-
Madaxdii halkaasi isugu timid waxay is dhacsiiyeen ama ku doodeen
in hadii maxakamadu ku dhawaaqdo in saraakiishaasi wax denbi ah
lagu waayey uu kiiskaasi lunsiga raashinku soo gelayo Madaxtooyada
iyo Booliska,ummada reer somalilandna ay odhan doonaan
muwaadiniinta ayaa inta la musabido oo xaq daro lagu xidho hadhawna
waxba lagu waayaa,si aan taasi u dhicin ayey madaxdaasi ku shirtay
madaxtooyadu ay go’aamiyeen in saraakishaasi aan la siideyn ee la xidho.
Gebo Gebo:-
Waxaa cadaatay in aanu jirin wax garsoora oo cadaalad ihi,waxaa
cadaatay in madaxtooyadu tahay Maxkamadii dadka xukumeysey,
waxaa cadaatay in Gudoomiyaha Maxkamada Hargeysa uu noqday
( Maxamuud Geele Yusuf, Gudoomiyhii maxakamadii badbaadada
ee dalkii la odhan jirey Somalia),waxaa cadaatay in nolosha
mustaqbal ee muwaadinka ay ku jirto gacanta shaqsiyaad siday
doonaan ka yeeli kara,waxaa cadaatay in Xisbigii kulmiye ee
markuu mucaaradka ahaa ku doodi jirey cadaalad iyo sinaan ay
ahayd been salaan ah oo lagu fuulayey kursiga ugu sareeya ee Dalka,
waxaa cadaatay in maxkamadaha iyo garsoorku yihiin magac u yaal
madaxtooyadu danaheeda ku fushato,Waxaa cadaatay diktaatooriyad
cad oo dalka ka hana qaaday.
Cadaaladii Somaliland waa la gawracay kadibna
waa la aasay oo iilka la dhigay(allah yarxamu)
