Saylac (Subulahanews)-Dawlada Jabuuti ayaa markii u horaysay deeq raashin ah oo dhan afar boqol iyo konton tan (450tn) soo gaadhsiisay gobolada Salal iyo Awdal oo ay abaaro ba’ani ka taagan yihiin.
Deeqdan raashinka ah ayaa ka koobnayd 15 gaadhi, taasi oo isugu jirtay bariis, saliid, daq iiq, bacaha guryaha lagu dhisto, deeqdaasi oo ay dawlada Jabuuti u soo dhiibtay ama soo mar siisay ururka RAMAD oo ah urur samafal oo ay ku midoobeen jaaliyada gobolada Awdal iyo Salal ee ku dhaqan dalka Jabuuti.
Masuuliyiinta heer gobol iyo heer degmo ee gobolka Salal ayaa shalay deeqdaasi raashinka ah kagala wareegay magaalada Lawyacado masuuliyiinta ururka RAMAD ee deeqdaasi raashinka ah ka keenay dalka Jabuuti.
Masuuliyiin siday takulaldan ee ka socday ururka RAMAD ayaa sheegay inay haboon tahay in gacan weyn oo taageero laga geysto abarta iyo macaluusha ka taagan deegaanada hoos yimaada gobolada Awdal iyo Salal, kuwaasi xilligani gobollada oo abaaraha ku dhufatay iyada oo dad badani ay ka barakacaan degaanada iyo tuulooyinka ay daganayeen.
Waxaanay masuuliyiintaasi ka socday ururka RAMAD tilmaameen in in taageeradani ay daba socoto baaqii madaxwaynaha Somaliland Axmed Maxamed Maxamuud, ee ku waajahnaa in gacan caawimo laga gaysto dadka ay baaruhu ku dhufteen ee gobolada Awdal iyo Salal.
Maamulka gobolka Salal ee deeqdaasi raashinka ah ka gudoomay ururka RAMAD ayaa iyagna amaanay walaalaha Jabuuti ee ka damqaday xaaladda abaareed iyo nololeed ee ka taagan gobolladaasi, waxaanay u mahad celiyeen dawladda Jabuuti iyo ururka RAMAD ee deeqdani loo soo dhiibay.
Deeqdan raashinka ah ayaa lagu wadaa in maalmaha soo socda loo qaybiyo dadka ku dhaqan gobolada Awdal iyo Salal ee ay abaaraha ba’ani ku dhufteen, iyada oo deeqdaasi loogu talo galay in la gaadhsiiyo 680 qoys oo ka mid ah dadkaasi ay abaaruhu wax yeeleeyeen.
Dawlada jabuuti ayaa noqonaysa dawladii ugu horaysay ee deeq soo gaadhsiisa dadka ay abaaruhu ku dhufteen ee ku dhaqan gobolada Awdal iyo Salal, iyada oo ay talaabadani noqonayso mid ay dawlada Jabuuti kaga jawaabayso baaqdii uu bishii hore jeediyay madaxwaynaha Somaliland ee ku waajahnaa in gacan laga gaysto abaaraha ka jira goboladaasi.
Source:Dawan
dawlada jubuuti waxay ka jawaabtay baaqii odayada awdal waanay ku mahadsanyihiin,dadka reer awdal iyo shacbiga jubuuti waa dad mid ah dhibta taabata awdal waa dhib jubuuti taabatay sidaa si la mid ah dhibta jubuuti heshaa waa dhib awdal gaadhay.wax iskaga xidhan siiraanyo iyo macaawimada jubuuti awdal u geysatay ma jiro mana aha in dhinaca siyaasada loola ordo,siiraanyo haddii dadka wax siinayo raashinadii hayadaha ayaa bakhaarada buuxa.